President Jonathan Promise say Election Date no go Change

 

According to tori, president goodluck jonathan, don promise nigeria pipo say, the general election wey go happen for march 28^th and april 11^th 2015, no go change.

President jonathan give dis promise as ein dey give ein closing tom for the presidential debate wey happen for abuja.

na 11 other presidential candate-dem plus president jonathan, naim dey for the debate wey, the nigerian elections debate group, naim organize-am.

The candidate of all progressive congress, maj. gen. muhammadu buhari (rtd), no-follow showface for the debate wey dem do.

Una go remember say, for the presidential sidon-tok wey president jonathan do with news pipo wey ein for tok say, inec chairman, prof. attahiru jega, no even tell am say, dem wan postpone the election, even after jega collect letter from the national security adviser, wey ein for dey tell-am say, make dem paotpone di election for anoda 6 weeks.