ASUU Say Federal Government no Get Truth for Mouth

 

The academic staff union of university (asuu), don hala comot say, di federal government neva gree release the N1.3 trillion, wey suppose dey to take wake-up all di university-dem for our country.

Federal government bin don agree to pay the money for the university-dem for 5 years, wey mean say, di first money wey dem go pay na n200 billion for 2013, and n220 billion for the remaining four years, wey con make asuu stop di strike wey dem bin dey do for december 2013.

Di chairman of asuu for university of ibadan, prof segun ajiboye, naim tok dis one for di 63 post graduate school interdisplinary discourse wey dem do on saturday say, dis one show say, our government no get truth for mouth, even after dem release the first money for 2013, dem neva fit do anything again even till now wey the first 3 month for 2015 don pass.

Ein tok say, na the truth wey no dey for the mouth of government for nigeria, naim make di union don do 19 serious strike for our country since 1992 con reach 2013.

The national president for Asuu, dr nasir fagge, tok say, wetin make dem dey strike for 21 years now, na say, government no dey eva do wetin dem promise say dem go do for dem.