One PDP Secretary for South-West Say Ein No Collect Money From President Jonathan

 

The secretary of peoples democratic party for south-west area, chief adepegba otemolu, don deny wetin pipo dey tok say, ein collect plenty dollars from president goodluck jonathan, and ein no gree release di money give the 746 coordinator-dem for di campaign group for ogun state.

Oga otemolu con dey-deny dis one for abeokuta on friday give some newspipo, as some of the coordinator-dem attack-am on wednesday.

di coordinator-dem wey comot from 236 ward for the state, bin gather for one meeting to take let dem know wetin to do, but all of dem just start to dey provoke as oga otemolu and the national auditor for di party, fatai adeyanju, con announce give dem say, the money wey dem suppose take hounour all of dem neva ready.

Di coordinator wey dey vex, con hold the 2 of dem hostage for 4 hours and as the 2 of dem try to comot from the place, naim dem rough-handle dem any, dem con even scatter the honda pilot jeep wey otemolu carry go di place.

Di coordinator dey vex say, dem see reciept of n1 million for food and drinks for di hotel, but nobody see the food abi the drink collect for the seminar.