Sultan of Sokoto Say make dem Give NYSC Corpers Security During Election

The sultan of sokoto, alhaji muhammad sa’ad abubakar iii, don tell security angency-dem say, make dem make sure say, dem give enuff security to dose youth corpers wey go follow help arrange the general election for our country.

Oga abubakar tok dis one as the director-general for nysc, brig-gen. johnson olawunmi, go visit di sultan for ein palace, wey ein for dey tok say, ein dey call politican-dem say, make dem arrange beta security for corpers wey go help during the election, as ein sef don tell all the district head for ein state, make dem do di same thing to protect youth corpers dis period.

Ein con still advice youth corpers say, make dem no use the problem for other election for past take tok say, dem no go follow do anything dis time, as na service to dia papa land naim dem dey do.

Abubakar tok say, make dem do dis election work with all dia heart, and make dem no follow the mouth of any political party to take cause problem.